Der Kindergarten und die Unterstufe sind kreativ in die Projektwoche zum Thema Ritter gestartet.
Zäme wänd mir Ritter sih, Burgföleins hets au drbii
und dr Ritter Namelos begleitet uns famos!
Unsri Schuel die wird zum Schloss, bim Pauseplatz sind unsri Ross
Burgfrölein und au no Ritter, mir sind hei-ja, wildi Ritter: schrei!
Tag 1: Montag, 16. Mai 2022 - Wir werden Ritter!
Alli bastle s'eigne Gwand, Schwärt und Schild und das vo Hand
E riese Banner hämmer gmolt und hoffe, dass uns keine holt
Helm und Hoorband bruche mir, weisch wie cool, do stuhned dir
Burgfrölein und au no Ritter, mir sind hei-ja, chici Ritter!
Tag 2: Dienstag, 17. Mai 2022 - Wir gehen auf eine Burg!
E grossi Reis stoht uns bevor - unsri Ross die ziehn drvoh
Entdecke wämmer d'Warteburg, laufe drum dr Wäg duruf
Füüre tüemer und no meh, versteckis spiele - hesch mi gseh?!?
Burgfrölein und au no Ritter, mir sind hei-ja, müedi Ritter - gähn...
Tag 3: Mittwoch, 18. Mai 2022 - Beschäftigung im Mittelalter
As Knappe fangt doch jede ah, mir lerne vill der ganzi Tag
E Stoffsäckli wird zämegnäiht, es Katapult us Stäckli dreiht
Bäzeli us Beton gmacht, Spielstei gfilzt bis fast in d'Nacht
Burgfrölein und au no Ritter, mir sind hei-ja, gschickti Ritter
Tag 4: Donnerstag, 19. Mai 2022 - Wir bereiten uns auf ein Fest vor!
Mir üebe hüt e Fescht fiire und lerne au wie sich benäh
Rittersport und alti Tänz sind toll und jede kännts
Füüre, Zrugg und links und rächts, ufe, abe, drülle ächt?
Burgfrölein und au no Ritter, mir sind hei-ja, fitti Ritter
Tag 5: Freitag, 20. Mai 2022 - Wir feiern ein Fest!
Bi de grosse Ritterspiel, händ alli zäme s gliche Ziel
Fange wänd sie Dracheschwänz, Stäckepfärd und Ringli wänds
Drum wird immer hart trainiert, gschosse, kämpft und galoppiert
S Ritterfescht denn ohni Gwitter, mir sind hej- ja stolzi Ritter!
Mir sind hej-ja ändlich Ritter!
Mir sind hej-ja ändlich Ritter!
